Amaisehugel
Em Koumaarakassapo syn Trawm *)
De Bouddistisch Mèunch Koumaarakassapo treuïmt vo me–n Amàisehugel, wo z'Nacht rawcht ound de Taag douhr Flame hàt. Deby zouë sàit en Gàischtliche eme Wyse Maa, er séll mit ere schaarffe Waffe dry abe grabe. De Wysé grabt ound findt en Kàil. "Gghéi de Kàil ewègg ound graab wyter" empfillt de Gàischtlich. De Wysé graabt wyter ound findt e Blaatere. "Gghéi dië Blaatere wègg ound graab wyter". I dèm Styl gaat's wyter, de Wysé graabt ound graabt ound findt nachenand en Zwyzack, es Ggwààb, e Schildchrott, es Métzgerbiëli ound en Flàischfàtze, ound jédesmaal sàit de Gàischtlich: "Gghéi daas ewègg ound graab wyter", bis er àntli zounderscht e Kobra findt. Jétz sàit de Gàischtlich: "Halt, hèur ouhf ound veréér dië Kobra."
Dèè Trawm verzéllt de Koumaarakassapo em Bouddo, ound dèè duutet em syn Trawm e soo: "De–r Amàisehugel béduutet dyn Kèurper. De Rawch z'Nacht béduutet g'Gédanke fur de nèuhchschté Taag ound 's Fuur de Taag douhr t'Taate–n ound Handlige vom Taag entspràchend de nàchtliche Gédanke. De Gàischtlich stéllt de vollkome–n Erwachté voor ound de Wysé Maa de Mèunch. Dië schaarffi Waffe–n isch dië hàiligi Wyshàit ound 's Graabe t'Ouhsdouhr. De Kàil isch sovill wië 's Ounwusse; dië Blaatere Zorn ound Verzwyflig; de Zwyzack de Zwyfel; 's Ggwààb p'Verstrickig in Wounschwile, in Hassgroll, i matti Muëdi, in stolze Verlàider ound feuïftens Verstrickig i Ggwaggle; dië Schildchrott béduutet 's Aahange–n ar Form, am Ggfuul, ar Waarnàmig, ar Ounderschàidig ound feuïftens Aahange–n am Béwousstsy; 's Biëli béduutet 's Gouëne: dour Louëge nach scheuhne Forme, dour Lose nach gfélige Teuhn, dour Schmeucke nach aaggnèème Duft, dour t'Zounge nach fàinem Gouh ound feuïftens Gouëne dour Taschte nach samfte Béruërige; ound de Flàischfàtze béduutet t'Louscht am Ggnouëg–uberchoo. Daas ales gilt's wègg z'touë, vo dèm hàisst's sych leuhse. G'Kobra béduutet de waanversygté Mèunch, dèè séll blybe."
Fur waas dië chourz Zàmefassig vo dère Bouddaa–Rèèd ? Àimaal find i 's intràssant, wië vor méé wéder zwàiëhalbtouhsig Jaare scho Treuïm tduutet worde sind (éxakt isch es waarschynli–ch e Visjon, en Taagtrawm). Louschtig tounkt mych deby, wië doch t'Treuïm sych de Théorye vo de jééwylige Thérapeuïte–n aapassed.