Xaver Pèrthé
Am sàchste Jàner fyred g'Chrischte de DréiChungeTaag. Aber wàge waas dréi Chunge ? I de Bible, ound zwaar nou Mattèèouss 2/ 1-12 cheumed Wysi ous em Morgeland voor. Wysi, soo erchlèèrt's i de Zurcher Bible e Fouëssnoote, séiged Maagiër ound so vill wië Aschtrolooge, uberhawpt kà Chunge. Aw vo drèi isch niëne t'Rèèd, imerhy vo–n àim Chung, nàmli–ch em Chung vo de Joude. T'Aschtrolooge sàged, si héiged de Stèrn vom Chung vo de Joude ggséé. Wéles sind dànn dië bééde–n andere Chunge ? Waas isch daas uberhawpt fur en Stèrn ? Lang hàt me–n aaggnaa en Koméét, will er vor de–n Aschtrolooge hèèr de Wààg nach Béétléhéém zàiget héig. Aber aw en Koméét staat neud still, heuhchschtens veschwindt er ous de–r Éklipse, aber daas gsèèch me–n uberaal, neud blos z'Bétléhéém. Daas Rèètsel vom Stèrn leuhst de–r Aschtronoom Képler, dèè wo–n aw p'Planéétebaane neuï béràchnet hàt. Deby findt er ouse, das im Jaar 7 vor Aafang vo–n euïserer Zytràchnig, also im Jaar 7 vor Chrischti Gébourt, am 19. Mài, am 3. Oktoober ound am 18. Dézàmber dië Planééte Joupiter ound Saatourn im Zàiche vo de Fische steund. Dië Konjounkzjon, also daas Zàmetràffe vo Stèrne, daas chounnt souscht éxtréém sàlte voor, ound jétz druumaal in àim Jaar. Soo euppis macht natuurli Fourooré. I sàbere Zyt glawbt me nàmli na féscht draa, das ales was am Stèrnehimel lawft e Béduutig, en Zàmehang ound en Yflouss hébi ouf was myr Màntsche tuënd. Prèzys daas Stèrnzàiche, dië Konjounkzjon vo Saatourn ound Joupiter im Zàiche vo de Fische hànd t'Aschtrolooge doozmaal als daas Zàiche fur de Méssyass, daas hàisst fur de Chung vo de Joude, aagglouëget. Aber woo sind jétz dië bééde–n andere Chunge ? Sind daas de Geuttterchung Saatourn ound de Joupiter, wo ja syn Vatter sturzt ound sàlber Geutterchung wirt ? Hétti me–n also i de dréi Chunge ouhrsprungli Saatoourn, Joupiter ound de Chung vo de Joude gséé ?