Euïrokraty
Es Gsprèuhch zwuschet em Hàini Habicht, em Reubi Raab ound em Xaver Pèrthé.
Hàini Habicht Dèm Papandréou hànz es zàiget i dèm Cannes, hàsch gséé, Reubi !? Mèrkel ound Sarkosy hànd em syni Volksapstimig scheuhn douhrtdaa.
Reubi Raab Dou schynsch di na z'freuje druber ?
H.H.: Dië Apstimig wèèr ja dië greuhschti Toummhàit gsy. Dië Griëche hétted sicher nài gstoume, ound daas hétti dië ganz Euïrozoone zounderopsi ggmacht.
R.R.: Waarschynli tànkt sych so–n en schlawe Politiker wië de Papandréou scho euppis, wàn er e Volksapstimig aaràiset.
H.H.: Aber los emaal, dië ganz Apstimig, scho nou de Plaan, hàt p'Finanze vo Spanje, Portougal, Itaalje ound vilicht na Irland schwèèr ggfèuhrdet, ound daas in ere Zyt, wo de–r € àinewààg scho ggwagglet.
Xaver Pèrthé: T'Euïrolànder, psounders Tuutschland probiëred sit langem e Leuhsig z'finde, wo de–r € séll schutze, ounder anderem gaats oum en Réttigsschirm. Will vili Lànder ous de–r €–Zoone bi Griëchische Banke groossi Krédit offe hànd, wèèr e Griëchischi Zaligsounfèèïgkàit taatsàchli–ch e Kataschtrooffe.
H.H.: Daas chèèm ja aw fur t'Schwyz beuhs ouse, fur euïsi Wirtschaft, fur de–r Éxport ound neud zlétscht fur de Finanzplatz.
R.R.: Ych verstaa ja scho, das em Papandréou syni Aakundigoung in Euïroopa en Houhffe Luut nèrveuhs ggmacht hàt. Imerhy wèèr 's ja schynts oum en Entschàidig zwusche Ouhstritt ous de–r €– Wèèrig mit akzéptiëre vo de Griëchische Zaligsounfèèïgkàit àinersyts ound andersyts oum Zouëstimig zoum Spaarprogramm ggange, ound daas i me Momànt wo sit langem ound jé lènger jé méé das Griëchische Volch ébe gàg daas Spaare ouhfbégèèrt ound 's ggfèuhrdet hàt mit imer stèrchere–n Ourouë.
X.P.: Me mouës scho aw gséé, das em Papandréou syn Sitz énorm ggwagglet hàt, so das er waarschynli–ch aaggwise gsy wèèr z'wusse, wië sych g'Griëche entschàided, nàmli, wië èrnscht das si 's màined mit ire Protàscht, oder eub si àifach wuëtig sind uber iri Sitouazjon, a dère dië Griëche natuurli neud ouschouldig aber aw neud elàige tschould sind.
R.R.: Imerhy mouë–n aw ggsàit sy, das naamhafti Éxpèrte neud yverstande sind mit dèm àisytige Spaare, wo dië Griëchisch Wirtschaft sogar na abwurgt ound p'Verschouldig na stàigeret.
X.P. Sovill schyned p'Finanzéxpèrte hut allgmàin z'anerchàne, das t'Wirtschaft mouës mit entspràchende Maassnaame ggfèurderet wèrde.
R.R.: Ych wott jétz gaar neud daa druber réde, eub daas Spaardiktaat en Bleuhdsinn séig oder gschyd, sondern mych béschàftiget euppis anders. I Cannes hànd Mèrkel ound Sarkosy de Papandréou ounder Drouck gsétzt. Wool hàt de Sarkosy ggsàit, me muës eme Volch 's Ràcht laa, uber zàntraali Fraage go apstime, aber glychzytig tdroot, de Gàldhaane zouëz'touë. Offebaar isch de Papandréou soo lang béarbàitet worde, bis er ouf t'Apstimig verzichtet hàt.
H.H.: Aber tànk doch Reubi, dië Griëche sind si ja neud emaal draa ggweunt go stime, daas isch neud wië bi–n euïs i de Schwyz mit euïsere tiràkte Démokraty.
X.P.: Dië létscht Volksapstimig i Griëcheland isch 40 Jaar zrougg, daas stimmt. Uberhawpt uberwiëgt en indiràkti Démokraty in màischte Làndere, de Volkswile wirt déét uber 's Waalràcht ouhsgguëbt.
R.R.: Aber i dèm Fall isch wàltwyt ouf dië Volksapstimig gschoumpfe worde. Dië euffentli Màinig nimmt offebaar aa, Stimmburger cheuned g'Konséquànze von irem Votoum neud uberlégge. Daas git mer z'tànke.
H.H.: Aber t'Stimmburger stimmed wurkli neud imer richtig ap. Tànk nou as Minaréttverbot.
X.P.: Daa mouë–s ych folgendes dezouë sàge. Daas Apstimigsrésoultaat wyst ouf en àchti Béounrouïgig i de Béveulkerig hy ound isch zouëdèm 's Résoultat vo zoum Tàil gàgetàilige Aasichte. Àin Tàil vo de Jaastimer isch béyflousst vo Ywanderer mit patriarchaalische Ràchtsvoorstélige, en zwàite Tàil gséét 's Chrischtetoum i Ggfaar ound en dritte Tàil fuurcht im Gàgetàil en Ruckfall i Réligjositèèt, wo doch souscht ééner Zwyfel a réligjeuhser Glawbesléér im choo isch.
H.H.: Was sind patriarchaalischi Ràchtsvoorstélige ?
X.P.: Ous de Pràss gheuhre mer vo Voorkommnisse wië Badéverbott fur Schuëlerine, Verschléjerigszwang, Ounglychhàit vo Fraw ound Maa mit em Ràcht, vilicht sogar de Pflicht, t'Éhéfraw kèurperlich z'straaffe, bis hy zou Blouëtraach ound Ééremord…
R.R.: Daas sind alerdings Ràchtsvoorstélige, wo myr i de Schwyz neud cheund brouhche.
X.P.: Es handlet sych bi de schwèèrer wiëgende Sachverhàlt oum àinzelni Voorkommniss, wo–n alerdings i de Méédje groosses Écho ouhsggleuhst hànd, ound droum vill zour Jaaparoole hànd cheune bytrààge. Me tèurff alerdings neud vergàsse, das vor wéniger als houndert Jaare patriarchaalischi Voorstélige aw i Wéschteuïroopa wyt verbràitet gsy sind.
R.R.: Jédefall cha me neud sàge, daas Minaréttverbott séig àifach ounrichtig.
X.P.: Sicher cha me verstaa, waroum 's aaggnaa worde–n isch, aber fur en Schoutz vor patriarchaalischem Ràcht hilfts allwàg chouhm euppis.
H.H.: Uberhawpt séll de–r Einstein ggsàit haa, p'Méérzaal vo de Stimmburger hàissi na lang neud, euppis séig richtig.
R.R.: Hàini ! Wottsch dànn t'Démokraty apschaffe ? Ych màin, dië séig tànk imer na dië béscht vo ale Régiërigsforme. Euïsi Stimmburger, wo sych oriàntiëred, vor 's ylégged, geund èumel neud ounuberlàit go stime.
X.P.: Das dië greuhsser Zaal vo Stime nuut ouhssàit uber Ràcht oder Ouràcht, uber richtig oder làtz, tèurffti zouëtràffe. Nametli bi émozjonaal ouhfwuëlende Voorlaage, wo fur p'Méédje natuurli dankbaar sind. Nou gaats bi Volksentschàide neud oum richtig oder làtz, ubrigens aw neud bi Entschàide vo Arischtokraty oder Monarchy, sondern um de Wile. Im Volch uberwiëgt de Wile fur das e pstimti Voorlaag gàlti oder neuhd.