KounschtRàndite.
Es Gsprèuhch vo Schangli Schildchrott ound Xaver Pèthé.
Xaver Pèrthé: Sali Schangli, was machsch Dou daa so still ?
Schangli Schildchrott: Naatànke.
X.P.: Uber waas ?
Sch.Sch.: Daa mouë–n e Mouëter is Chéfi.
X.P.: Àifach soo ?
Sch.Sch.: Si hàt Bilder verbrànnt.
X.P.: Jàà irgend so Hélge ?
Sch.Sch.: Màischterwèrch. E ganzi Sammlig.
X.P.: Woo hàt si dië hèèr ?
Sch.Sch.: Vom Soon.
X.P.: Ound wohèèr hàt dèè si ?
Sch.Sch.: Zàmegstole, so naa di naa.
X.P.: Jànou, Kounschtdiëbstaal chounnt z'Àngland tiràkt nach em Droogehandel. Daas ràndiërt. Ound waas git's daa so grooss z'tànke ?
Sch.Sch.: Es hàt ébe scho maal àine phawptet, er héig gschtoleni Ggmèuld verbrànnt. Ound jétz sind uber touhsig Bilder wider furechoo.
X.P.: Jàà irgend so Hélge ?
Sch.Sch.: Ounbékannti Màischterwèrch.
X.P.: Ahaa, Dou rédsch vom Cornéljouss Gourlitt.
Sch.Sch.: Nài, Hildébrand Gourlitt.
X.P.: Daas isch em Cornéljouss syn Vatter. Èr wirt 1930 als Mouséoumstiràkter ouf Drooïge vo Naazi hy entlaa, Drooïge wàge Fèurderig vo Tuutsche Kounschtmaaler wo hut béruëmt sind, ound wàge synere Judische Groossmouëtter. Àinewààg wirt er im Mèrz 1943 Hawptkounschthàndler fur em Hitler syn Sonderouhftraag Linz ound isch nametli demit béschàftiget, i Frankrych Rawbkounscht go béschaffe fur es fantastisches Fuuhaa–Mouséoum.
Sch.Sch.: Daas wèrded irgend so Hélge sy.
X.P.: Jàà nànài Dou. Wiso màinsch ?
Sch.Sch.: Ja dèè Hitler hàt ja nou Freuïd gghaa a so aartige Bilder, dèrig wo–n er sàlber hétti cheune maale.
X.P.: Aartigi Bilder ?
Sch.Sch.: Ébe so blondi, blaw–euïgigi Bodibildig–Apsolvànte i me Chràis vo hyggmétzlete Joude, oder dànn en Àichewald mit mindischtens àim Hirsch am reuhre.
X.P.: Dèrigs passti taatsàchli in es Fuuhaa–Mouséoum, aber scho sit Mèrz 1942 faared ébe gàg dië 80 Isebaanzuug mit uber 75'000 bérawbte–n ound déportiërte Joude–n ap Compiègne richtig Vernichtigslaager 1. Dië Luut hànd zou me groosse Tàil séér wèrtvoli Ggmèuld psàsse, zoum Byschpyl vo so béruëmte Maaler wië Courbet ound Degas. Aafangs 1943 bringt t'Schlacht oum Staalyngraad e psucholoogischi Wàndi vom Chriëg, ound am 13. Mèrz 1943 schyteret es Attentaat vom Flouhgwaffe–n Offiziër A.von Schlabrendorf ouf de Hitler 2. Jétz isch de Fuuhaa psounders ouf Gàlt aaggwise fur syn Chriëg. Droum mouës de Hildébrand Gourlitt dië Wèrch verchawffe, zoum Byschpyl uber Schwyzer Kounschthàndler.
Sch.Sch.: I choume–n aber glych nanig drouhs. Im Fébrouar 2012 sind doch bim Cornéljouss Gourlitt gouët 1'300 Wèrch béschlagnaamt worde, de greuhscht Tàil devoo ouf Papyr. Waroum chounnt daas im Novàmber 2013 als Skandaal a t'Euffentlichkàit ?
X.P.: 300 devoo séled ab 1937 vo de Naazi als „entaarteti Kounscht“ béschlagnaamt worde sy, ound wyteri 200 wèrdid schynts ggsouëcht vo de–n Èrbe vo dèrige fruënere Psitzer, wo–n ébe vo de Naazi oumpbraacht worde sind. Jétz wéli me fursi mache–n ound dië ràchtmèuhssige Psitzer finde.
Sch.Sch.: Ych find's glych gspàssig; daa verzéllt en Euhstrychische Kounschthischtooriker, schynts en Hèr Wàidinger, uber dië Sammlig héiged ali syni Koléége–n im Suudtuutsche Rouhm Pschàid ggwusst.
X.P.: Ubrigens hàt de Hèr Gourlitt scho im Fébrouar 2011es Ggmèuld ”Leujebàndiger” an en Awkzjon ggéé ound de–r Erleuhs mit ràchtmèuhssige–n Érbe tdàilt. Me cha sych scho frèuhge, fur waas grad jétz ? Wo praktisch glychzytig t'Euffentlichkàit erfaart, das es Triptuchon vom Francis Bacon fur uber e Miljon erstàigeret worde–n isch. Daa hàsch wurkli Stoff zoum naatànke.