Limerick 12
„Wouff wouff! Prèsidànt, pass doch ouff !
’s git hupotékaarisch es Pouff.“
„Daas gaat mi nuut aa,
Pfoui still ! dou mouësch gaa !“
Doch –zig Miljarde geund drouff.
Limerick 13
Waas mouës so–n en tuëchtige Maa
Vo–n àim ouf de–r ander Taag gaa ?
Sy Làischtig séig fàin,
sys Ggwusse séig ràin –
tànk ggwarnt vor Verlouscht wirt er haa.
Limerick 14
’S hàt z’Tuutschland em heuhchschte vo–r Poscht
de Poschte wàg Stuurbétrouhg gchoscht.
Jétz tànkt màngi Bank
bi–n euïs: „Gottsàidank
hànd s’ z’Liëchtestài àne dèè Froscht.