Mordspilot
Es Gschprèuhch vom Hàini Habicht mit em Xaver Pèrthé
Hàini Habicht: Dou Xaver, was sàisch Dou zou dère Trouhrfyr fur dië 149 Opfer ? Findsch Dou's gouët, das de Bischoff aw fur de Tèuhter e Chèèrz hàt aazunde laa ?
Xaver Pèrthé: Wàisch Hàini, daas cha me mache wië me wott.
H.H.: Aber dèè hàt doch mit Flyss ali andere im Fluuger mit sych in Tood ggrisse !
X.P.: Wohèèr wàisch Dou daas ?
H.H.: Soo hàisst 's doch !
X.P.: Ych finde, me wàiss vill zwénig.
H.H.: Dèè Kopilot isch doch chrank gschribe gsy, hàt daas verhàimlichet, isch glych go schaffe–n ound laat syn Fluuger mit sych sàlber ound ale 150 Màntsche–n in Tood sturze, wàret de Kapitèèn rasch ouse–n isch go brunzle, ound t'Ture–n i 's Cockpit verriglet isch.Ound dànn hàt er de Kapitèèn éérscht na nume–n ine laa.
X.P.: Schoo, aber dië prèzys Diagnoose wussed myr neuhd.
H.H.: Es hàisst doch: e Dépràssjon.
X.P.: Daas erfaart t'Euffentlichkàit. Es cheunnt ja sy, das wàg em Pèrseuhnlichkàits Schoutz e Psuchoose verhàimlichet wirt. Oder er hàt fruëner emaal e Dépràssjon gghaa ound jétz en andere psuchjaatrische Zoustand.
H.H.: Wië chounsch ouf daas ?
X.P.: Daas Zuugnis hétt tànk séle verhindere, das dèè Kopilot gaat es Flougzuug go stuure. Wànn en Pazjànt wàg ere Dépràssjon neud nou sych 's Làbe nimmt, sondern ander in Tood mitnimmt, so rédt me vo erwyteretem Suicid. Soo euppis chounnt voor bi dépràssyve Muëttere, wo sych dèèwààg mit ire Chind idàntifiziëred, das si dië in Tood mitnàmed ound neud wànd elàige–n in ere Sitwazion zrougglaa, wo sy in irer Dépràssjon als hoffnigsloos erlàbed. Das eupper mit Flyss vili freundi Luut oumbringt, passt neud zou–n ere Dépràssjon, es isch békannt bi politisch verblàndete Màntsche, bi Sàlbschtmordattetèuhter. Vo soo euppisem ha-n ych nuut ggheuhrt.
H.H.: Nài, politisch séig er ounouhffélig gsy.
X.P.: Ééner cha–n ych myr voorstéle, das en Psuchjatrypazjànt ounder em Béfèèl vo Halouzinazjoone soo euppis macht, ound das dië wurkli Sitwazjon, mitsamt ale–n andere Luute–n im Fluuger, ébe–n ous sym Béwusstsy verschwounde–n isch.
H.H.: Vo dèm hàt niëmer grédt.
X.P.: En Tokter isch as èèrztli Gghàimnis pbounde. Hut wussse mer, das 's neud gglanget hàt, em Pazjànt es Zugnis fur Arbetsounfèèïgkàit apzgèè. G'Gfaar vo soo euppisem cha me–n i màngem Fall éérscht hinedry sicher sàge, ganz apgséé devoo, das ggwussi Psuchotiker gnaw wussed, was si de Tokteri neud wànd sàge.
H.H.: Aber das em Kapitèèn dèè Zouëstand neud ouhfgfale–n isch ? Das em neud ouhàimli worde–n isch, mit soo àim zàme–n is Cockpit go hocke.
X.P.: Mych nèèm scho na wounder, wië lang i dère Biliglouftlinje Kapitèèn ound Kopilot enand kàned, mitenand scho ggfloge sind, ound wië gouët dèè Kapitèèn syn Kopilot kànnt hàt, fur das er nuut ggmèrkt hàt, Es cha-n aber aw sy, das de Kopilot sych nuut hàt aamèrke laa. Daas git's ébe bi Chranke, wo–n ounder em Yflouss vo Halouzinazjoone steund.
H.H.: Zoum Gluck wirt jétz béfole, das imer zwoo Pèrsoone muënd im Cockpit sy.
X.P.: Wië imer wirt nach eme Oungluck euppis ggànderet, zoum prèzys daas wo gschéé isch womugli cheune verhindere, ooni das me sych de–r Uberblick uber ali mugliche ound waarschynliche Ggfaare verschafft. Daa wirt wider euppis béfole, ooni Choschte–n ound Noutze z'uberlége.
H.H.: Euppis mouë me doch mache ! Wo doch dèèwààg vill Luut mitfluuged.
X.P.: Màntsche mit ere Psuchoose sind ounbéràchebaar. Soo eupper tèurff kàs Flougzuug stuure. Ound glych mouë me–n abwààge t'Yschrànkig vo de pèrseuhnliche Fréihàit gàge dië mugli Ggfaar, alefalls ouf Choschte vom èèrztliche Gghàimnis.