Overath Angelika: Nahe Tage. Roman in einer Nacht.
dtv München, 2019. Wallstein Verlag. 153 pgg.
Mouëtters Tood konfrontiërt t'Tocher mit ire béklàmend ambivalànte–n Erinerige. Dië Mouëtter sétzt nach de Vertrybig ous Soudéétetuutschland de Réscht von irem Làbe–n y, zoum t'Tochter – bald scho viërzg Jaar lang – in iri Ilousjon yspine, si cheuni dië Vertrybig ounggschèè mache, wànn si iri Tochter gnaadeloos a sych bindi ound ire–n i vile–n Àinzelhàite bis i's Arooma vo de Spyse–n ine ound em Ggrouch i de Wonig e Hàimet voorgawkli, wo 's nume git; ound si dèèwààg apschirmi vo–n alem Freumde–n i de neuje Wàlt. De Vatter, en Psuchjatrypazjànt, chounnt chouhm voor.
Daas Thééma isch vo–n ere Traagik, wo–n àim bim lààse liëcht cheunnt ergryffe, es Thééma wo Fraage–n ouhfwirft vom Oumgang mit Ounràcht, mit Oungluck, mit Schuld, vo Abhàngigkàit ound Fréihàit. T'Awtoori làit e–n offesichtli sérjeuhsi, flyssigi ound éxréém grundtlichi Arbet vor. Si schilderet daas taktische Voorgaa vo de Mouëtter dèèwààg in ale–n Àinzelhàite, bringt imer na méé ound ouhswààglooseri Maassnaame, soo das me spèuhtischtens i de Hélfti vom Bouëch findt, es tèug's jéetz, me wussi's; soo das àim de Roman verlàidet; e dèèwààg hèrrscht ouhsschliëssli-ch e freuïdloosi, lèèmendi Stimig, bis nach fascht zwài Drittel vom Bouëch àntli–ch e Gàgeposizjon ouhftritt: e vertribeni Tuutsch–Roussin, wo–n ires Schicksal mit Énèrgy ound Zouëvericht aapackt.
Wèm chèènt i–ch daas Bouëch empféle ? Vilicht eupperem, wo prouëffli mit patoloogische Mouëtter–Tochter Bindige z'touë hàt ?