!!!Rassewaan
Es Gsprèuhch zwusche–m Reubi Raab ound em Hàini Habicht.
Reubi Raab: Hàini, wàisch de Neuïscht ?
Hàini Habicht: Was màinsch ?
R.R.: Dië ggsammlete Hère Profàssoore vo Ouni ound ÉTH Zuri hànd ouseggfounde, das t’Transrhénaaniër en anderi Rasse hànd als myr Schwyzer.
H.H.: Jà toumms Zuug !
R.R.: Momoll. Daas gaat ébe–n esoo: T’SVP hàt kritisiërt, das a dië Zurcherische Hoochschouële bald nou na Wusseschafter ous em groosse Kantoon bérouëffe wèrdid.
H.H.: Also, vo me Tuutsche Filz hànd s’ ggschribe.
R.R.: Natuurli, dië transrhénaanische Ordinarii cheumed ébe mitsamt ire Mitarbàiter vo ànet em Rhy.
H.H.: Jédefalls hànd p’Profàssoore vo de bééde Hoochschouële drouhf ggantwortet.
R.R.: Ébe daas màin i. Dië wèrffed de–n SVP–ler Rassismoouss voor.
H.H.: Ound ?
R.R.: Jétz pass ouhf: Rassismouss hàisst doch Findschaft gàg anderi Rasse. Rassismoouss gàge t’Transrhénaaniër cha–s also nou gèè, wànn dië zou–n ere–n andere Rasse ggheuhred, als dië, wo gàge si voorgeund. Quid erat demonstrandum: t’Transrhénaaniër sind e Rasse fur sych.
H.H.: Daas sàisch Dou nou, will t’dych bétroffe fuulsch.
R.R.: Daas cha scho sy. Aber jétz im Èrnscht. Ych wàiss, das en Chirurg ous em groosse Kantoon eme béschtqualifiziërte Schwyzer Koléég voorzoge worde–n isch, ound hinedry hàt sych schynts ousegstéllt, das dèè syn Titel erschwindlet gghaa hàt ound éérscht na e Niëte gsy isch.
H.H.: Douh, das isch doch Jaarzàànté hèèr, ound wàg syner Qualifikazjon hàt me ’s aw anderscht ggheuhrt.
R.R.: Aber hut, zoum Byschpyl, chasch a de Psychi obe Schwyzer Profàssoore grad go souëche. Deby wèèr’s doch grad déét fur Euïsi Pazjànte wichtig, das t’Èèrzt dië glych Spraach réded wië sy.
H.H.: Daas Argoumànt vom Euïgén Bleuïler chasch hut nume bringe, daa muëssted s’ ja Sèrbokroaate–n ound Turgge–n aastéle. Ciaou Reubi, en gouëte Routsch !
R.R.: Ciaou Hàini, aw Dyr: en gouëte Routsch !