Rézànsjon vo Jojo Moyes: „Me before you“
A Penguin Book,2007.
Dië „Lou“ (daas teuhnt wië „loo“), Schouëlversàgeri, ooni Arbet, ooni Pbrouëff, ooni Sàlpschtvertrowe, daas Tèutschli nimmt ous Verzwyflig e Stéll als Gséllschafteri vo me jounge Quadripléégiker aa, eme Will (nomen est omen), eme–n éémaalige Éxtrémsportler ound strytbaare Wirtschaftsjourischt, wo–n als Fouëssgànger vo me–n Awto uberfaare, nou na g'Kontrole uber syn àigne Chopf hàt ound vilicht na cha–n es paar Finger rode. Dië Lou mèrkt neud, das si droum wyt uberzallt wirt, will iri àigetli Ouhfgaab isch, de Pazjànt vor em Sàlbschtmord z'phuëte. Ire sarkastisch ound oundankbaar Pflàgling béhandlet si entsétzli, bis 's ire de Zapfe–n ousejagt ound si sych àntli Réschpàkt verschafft. Vo doo aa, ound psounders sit si byleuïffig iri àigetli Ouhfgaab erfaart, entwicklet si iri Pèrseuhnlichkeit, dànn aw ggfuërt vo–n irem Will, ound si entfaltet ganz neuji Fèèigkàite, indèm si uber Internétkontakt ounggaanti Muglichkàite souëcht fur Màntsche, wo kàs Glyd me cheund béwége, ound dië aw mit Erfolg i t'Taat oumsétzt. Alerdings mouë si erfaare, das aw de schwèr Invalydé es Ràcht ouf syn àigne Wile hàt.
Dèè Roman oum es aktouélls Théma isch spannend gschribe–n ound laat àim mithoffe–n ound mitlyde. Er béluuchtet Fraage–n oum de Fréitood vo ounhàilbaar Chranke vo–n ale mugliche Syte, ound git en Houhffe–n intràssanti ound nutzlichi Informazjoone. Me léért Màntsche vo verschidener Hèèkoumft ound Charakter kàne mit jé irer Haltig zoum Quadripléégiker ound syner Apsicht. Ych empfile daas Bouëch ale, vo sych fur Fréitood ound entspràchendi Haltige–n intràssiëred, aber aw ale, wo gèrn en spanende Bézyëigsroman làsed.