Rucktritt als Trioumpf
Es Gsprèuhch zwusche de Hàidi Habicht, em Reubi Raab, ound em Xaver Pèrthé.
Hàidi Habicht: Dèè Rucktritt vo de Fraw Boundesprèsidànti isch zou me waare Trioumpf worde. Mit Houmor faat si iri Rèèd mit ganz eme–n andere Théémaa aa, me lacht, sy wirt ggruëmt. Uberaal wirt si ggloobt fur ire troche Witz, ggloobt will si ire–n Entschàid so lang gghàim gghébet hàt, ggloobt fur iri Erfeulg wàg de Stuurapkome, fur iri gouëte Kànntniss im Finanzwàse – mit àim Wort: en trioumfaale Rucktritt.
Reubi Raab: Deby hàt iri Partéi massyv Sitz verloore–n ound ouhsggràchnet dië Partéi, wo sy hinderruggsli de Boundesraat ous em Amt tdràngt gghaa hàt, làit massyv zouë. Wië rédtsch à Dou daa vo me Trioumpf ? Èumel de Boundesrats–sitz gaat irer Partéi bachap ound gaat nach ràchts éxtréém.
H.H.: Daas isch na lang neud ggsàit.
'Xaver Pèrthé: Nach dèm Waalrésoultaat schynt daas apsolout z'erwaarte sy, nametli will sych dië sogénannte Mittépartéje neud cheund ouf en valaable Gàgekandidaaat àinige.
H.H.: Daas cha's aber na gèè. Uberhawpt wirt sy séér anerchànnt ound ggfyret im Gàgesatz zour Blocherpartéi. Los nou, was de–r alt Boundesraat Couchepin schrybt, Xaver, lis voor:
„Es macht wahrscheinlich Sinn, eine so grosse Partei wie die SVP entsprechend in die Regierung einzubinden. Die Frage ist: Wofür? Was meint die SVP, wenn sie sagt, sie wolle jetzt mehr Verantwortung übernehmen? Wenn es heisst, dass sie dem Rest des Bundesrats diktieren will, was er zu tun habe, geht es ihr nicht um Verantwortung, sondern um Macht........ Verantwortung heisst, von Zeit zu Zeit Risiken einzugehen, indem man akzeptiert, dass nicht alle eigenen Forderungen erfüllt werden. Und Verantwortung heisst, keine Schauspielerei zu betreiben, indem man als SVP-Bundesrat sagt, man akzeptiere die Entscheide des Kollegiums, aber sie gleichzeitig durch offenkundige Ablehnung hintertreibt.... Es bringt wenig, einen SVP-Kandidaten zu fragen, ob er für die Bilateralen oder für die Menschenrechtskonvention sei. Die entscheidende Frage ist eine andere: Ist ein Kandidat bereit, zu akzeptieren, dass er im Bundesrat in wichtigen Fragen in der Minderheit sein wird? Und wird er die Haltung der Regierung dann trotzdem loyal vertreten – auch vor seiner eigenen Partei? Die Frage muss also lauten: Sind Sie Parteisoldat oder – Staatsmann?“
R.R.: Daas zàigt nou de Nyd vo me Politiker, wo dië lèngscht Zyt hàt muëse zouëlouëge, wië syni Partéi Sitz verluurt. Es hàt sych en régelràchte Hasskloup vo Nyder entwicklet; ali sind gàg ài Partéi gsy ound dië hàt devoo na profitiërt.
X.P.: Ych gséé dië Entwicklig en Bitz komplàxer. Im Aafang vo sym Erfolg ggséét de Chrischtoff Blocher, das er bi de linggslaschtige Schournalischtezoumft kà Broot hàt. T'SVP verschickt droum vo Fall zou Fall àigeni Graatiszytige. Aber syn Schénystràich isch, syn Naachtàil als Voortàil z'gséé ound devo z'profitiëre. Er faat aa provoziëre, provoziërt mit éxtrééme Phawptige–n ound Forderige, wo bi vile Luute gouët aacheumed, ound ouf dië t'Méédje muënd réagiëre. Vili vo syne Gàgner meuged tdànkt haa, es ség es ggmèèts Wisli, si cheunid àifach dèè Bleuhdsinn go làcherli mache.
R.R.: Waas hàisst daa làcherliche Bleuhdsinn ? De Blocher uberlàit sych gouët, was er sàit.
X.P.: Laa mi nou–r ouhsréde. Wië ggsàit, isch es bim Volch gouët aachoo, droum réded t'Schournalischte ja aw vo Popoulismouss. De springendé Pounkt aber isch, das t'Méédje sych vo doo aa imer méé ound imer héftiger mit em Chrischtoff Blocher béschàftiged, muënd béschàftige, ound soo wirt uber ihnn diskoutiërt ound gstritte. Àntli rédt me vo de Blocherpartéi ound vom Übervatter vo de–r SVP.
H.H.: Daas isch wurkli zou me Pèrsoonekoult worde, wië–n er neud i t'Schwyz ië passt.
X.P.: Prèzys dèè Hass hàt de Blocher syne–r àigene Taktik zouëz'schrybe. Dië Taktik, p'Méédje z'manipouliëre, rèècht sych schliëssli. Wië ggsàit, dië SVP wirt zour stèrchschte Partéi, aber si macht si benide ound verhasst, daas bringt si i t'Isolazjon, devoo profitiërt si zwaar éérscht ràcht.
H.H.: Daas polarisiërt natuurli.
X.P.: Àntli mèrked es paar vo de Méédje, was passiërt, ound si hèured ouhf, tiràkt gàg t'SVP go polémisiëre, sondern sj uberleund daas de–n andere Partéje. Dië schyned jétz imerhy paraat z'sy, de statistisch bégrundet zwéité Boundesraatssitz zouëzlaa i de Hoffnig, das dië stèrchschtl Partéi dànn iri Régiërigsverantwortig ubernàmi.
H.H.: Daas nààm mi na Wounder !
R.R.: T'SVP hàt iri klaar Linje, dië verfolgt si sicher wyter, daas isch ires gouëte Ràcht.
X.P.: Ych cheunnt mer voorstéle, das naa–dis–naa ouf ale Syte wider t'Réalpolitik wichtiger wirt als t'Émozjoone.
H.H.: Ound am Ànd wirt na en Aahànger vo dèm gràssliche Bignasca Boundesraat.