Profézéije
Dou bisch doch imer di (de) Glych ! Stéllt 's ander als ounverbésserli ane. (Vgl. Hopfe–n ound Malz)
Dou wirsch ggséé, mer geund na ali t'Schyssgass aab sàgi me, ounbékumeret oum de rékordheuhch Altersdourchschnitt, de gouët Ggsoundhàitszouëstand vom Volch, de–r uber erwaartet gouëte wirtschaftliche Sitouazjon vom Land, wànn de–r € namaal e chli biliger worde–n isch.
Dyr bluët emaal na ggsybeti Louft profézéit e kriminéli Lawffbaan.
Mit Dyr isch Hopfe–n ound Malz verloore Stéllt 's ander als ounverbésserli hy. (Vgl. imer dië Glych)
Myr hànd na en Altwybersoumer z'gouët sàgi me, wàn nach dréi Tààg Rààge–n e Péssimischtin màint, de létscht Sounetaag séig verby.
Pass ouhf, dych spééred s' emaal y bi Wasser ound Broot séll me–n eme souhbere Fruchtli profézéje.
Waart, dych holed s' mit em gààle Wàgeli droht en stazjonèère–n Ouhfenthalt in ere ggschlossnige psychiatrische Inschtitouzjon aa, wànn àin(i) de Leuhli macht. 1
Schwàtze:
Àntli taget's isch de Stooss–Suufzger, wànn mys Gàgenuber yggséét, das ych ràcht ha.
Cheunntsch doch aw emaal e Schnèure–n abenand touë wànn eupper en Pfousch apglaa hàt, statt oum Hulff bitte.
Dèè N rédt wider i–n àis Loch ine bringt en chlyne Hàiterkàitserfolg in ere Roundi, wo prèzys dèè N dië lèngscht Zyt kàs Wort ousegglaa hàt.
Dië rédt ja wië–n es Bouëch isch e chli milder wéder „isch daas es Schnèuriwyb“.
Me cha ja réde mit de Luute, mit em Véé rédt me–n aw wànn eupper en Sàich ablaat, nou will er àim sàlber neud isch go frèuhge.
Mouësch Dyn Sàmf à na dezouëgèè ? Isch de Komàntaar zour ounwillkoumne Wortmàldig vo–n ere ounsumpaatische Pèrson.
Mouësch halt de Schublig zou–n Oore–n ouse nèè isch t'Ouhfforderig, wànn àine–n àim am Télifoon neud verstaat (vgl. ounder „nim àntli“).
Nim àintli de Stoumpe zour Schnèure–n ouhs ! héépi me dour 's Télifoon, wàn am andere–n Àndi àine–n ountuutli rédt (vgl. aw ounder „Mouësch halt).
Ràcht hàsch, aber schwyge séttsch verchundt me–n ouf Bémèrkige–n ane, wo–n àim sàlber in es pynli's Liëcht sétzed.
Wànn dië wider e dèèwààg flismet, mouë–me–n oungghuur t'Oore spitze bi me Voortraag, wo t'Réferànti kà Stimm hàt.
Wuursch à gschyder ouf t'Schnèure hocke sàit me–n eupperem, wo–n e Màinig ouselaat, wo–n àim sàlber neud passt.
Taggsiëre:
Daas cha–n i neud verboutze hàisst, es séig àim zwider.
Daas isch ounder aler Kritik Dèwààg versétzt me sys Gàgenuber tuuff ounder àim sàlber abe.
Daas gaat doch uber s Booneliëd isch de passend Ousrouëff uber e Handlig, neud zoum sége wië ggspoune.
Daa steund àim ja t'Haar z'Bèrg wà me sych uber euppis entsétzt (Vgl. aw ounder Mààss).
Dèm (Dère) hani wider emaal p'Màinig ggsàit ! Implizjert, das dië àige Màinig dië (àinzig) richtig isch.
Dyr sétt me t'Nèuht ytouë cha me–n aawànde bi eupperem, wo–n en anderi, ounaaggnèèmi Màinig véhémànt vertritt.
Létschte Grouëz ous Davos gilt als yfuulsaame Komàntaar bi me Houëschtenaafall.
Myr hànd 's Heuï neud ouf de glyche Buni hàisst so vill wië „soo àim troww i neud uber de Wààg“.
'S gschéét em (ere) ràcht sàit me, wànn 's eupperem houndsmys gaat, ound dië andere 's glych aw sàged.
'S isch neud schlàcht, aber 's cheunnt àim wèrde sàit me, wà me sych èrgeret uber daas ééwige frèuhge, eub 's gouët séig) vgl. aw ounder Àsse).
'S isch nuut raars vernichtet es Chounschtwèrch, nametli–ch àis, wo souscht heuhchoufe ggruëmt wirt.