Aw e Wiënechts–Gschicht
Z'Jérousalém isch euppis loos, p'Farisèèer froolocked. Dië màchtige Gsétztreuje Priëschter joubled: „mit de Gébourt vom Méssyas chounnt z'Ànd em Hérodéés sy Macht.“ Waroum dèè Joubel ? Doch louëge mer zéérscht ouf dië daamaalig Wàlt ound Joudèèaa.
De Mord am Caesar i Room, ir Hawptstadt fascht vo de ganze Wàlt hàt beuhsi 38 Jaar ouhsggleuhst, e Ràje vo Chriëge voll Jammer ound Noot. Es Viërtel–Jaarhoundert nach em Brutus syre Taat gheuhrt em Octavian wider i Room dië ganzi Macht wo–n em Caesar e so neud gouët tdaa hàt, aber na imer hàt èr syni Gàgner neud soo wyt oumpbraacht, das er stolz cha dië pax augusta verchunde, na staat kài Ara Pacis ouf em Marsfàld. Ound Palèschtyna ? 5 Jaar nach em Tood vom Caesar ernànnt de Sénat de Hérodés zoum Chung vo de Joude. Spèuhter hàisst er de Grooss wàg syne vile pràchtige Bowte–n ound will Joudèèaa ounder sym Réschim floriërt, dèèwààg, das er zwàimaal t'Stuure–n ous àigeter Kompétànz abegsétzt hàt. Aber dèè Hérodés sàlber làbt i stàndiger Angscht vor Palaschtrévolouzjoone. Widerholt muënd Verdèuhchtigi stèrbe, sogar aw Verwandti von ihmm als Verschweuhrer. Alerdings ggwagglet syn Troon. P'Farisèèër, wo jétz e so joubled, dië freuïdigi Bootschaft verchunded i ganz Joudèèaa, dië anerchàned de Hérodés neuhd, wil èr nàmli stamt vo de–n Édomiter ap, isch also kàn Jouhd. Droum chan èr nach Judischem Gsétz neud de Chung sy. Weroum aber jétz dèè Farisèèisch Joubel ?
P'Màntsche wànd wusse, wië chounnt's ? was hàmer z'erwaarte ? Ound daas i so ourouïge beuhse Zyte ganz psounders. Doo hàt me gglawbt, das de Lawff vo de Stèrne–n am Himel aw 's Schicksal von Màntsche–n ouf Èrde tuëg régle; de Makrokosmos séigi em Mikrokosmos glych. Droum hànd Aschtrolooge–n in Himel ouë gglouëget. Ggwussi Stèrngrouppe gsénd s' im Lawff vo de Jaar amig wider ar glyche Stéll, dië fassed s' zou Bilder zàme ound gànd ene Nàme vo Tiëre; me rédt vom Tiërzàiche–Chràis. Vo déne Stèrnzàiche gànd Aschtrolooge sààb vo de „Fisch“ em Gébiët „Palèschtyna“; P'Planééte wider hànd Geutternàme–n ound séled entspràchend béduute. De Joupiter hàisst nach em Geutterchung, staat also fur Keunigswurde, de Satourn hàt me Joudèèaa ggèè als syn Schoutzgott. Satourn ound Joupiter gséét me–n im Zàiche vo–n Fische nou sàlte, chouhm ali Jaarhoundert.
Pleutzli–ch entdécked in àim Jaar (sibenedryssgi sit Caesars Ermordig sind oume) verschideni Aschtrolooge–n im Oschte prèzys dië Konschtélazjon ound zwaar neud nou–r àimaal sondern im glyche Jaar druu Maal, nàmli–ch am 29.Mài, am 3. Oktoober ound na am 18. Dézàmber. Daas schlaat y wië–n e Bombe. Daas mouës euppis béduute: de Schoutzgott vo de Joude trifft de Geutterchung in àim Jaar druumaal im Zàiche Fisch fur's Gébiët Palàschtyna. Daas cha nou àis béduute: de Méssyas chounnt. Daas isch de Ground fur de Joubel vo–n Farisèèer, nach ganz Joudèèaa verbràited s' dië freuïdigi Bootschaft.
Im glyche Jaar laat de Hérodés àigeni Seuhn hyrichte mit Reuhmischem Ourtàil. Ound ouf p'Profézéjig vo déne Farisèèer réagiërt er mit usserschter Hèrti. Dië wo na cheund wèrded fluchte, wool vill nach Ègupte.
Quàlle:
THIEL, R.: in Du #12 1959: Der Stern der Weisen und die Wissenschaft
Wikipedia vom 18.12.12
Dtv Atlas zur Weltgeschichte, 1965, München
Die heilige Schrift. Zwingli–Verlag Zürich
En Frund schrybt am 11.12.12 ous Tel Aviv: „Bei 18°C sitzen wir in Hemd und leichten Sommerhosen in einem Park.“