12 Houhs zoum Sitkouscht 1482
Louëg wië dréi Bischeuff sych stryted oum Macht ound oum Pfrouënde. De Loudwig
Z’Koschtiz béaasproucht de Troon – wo scho de–r Otto drouff hockt.
Z’Innsbrouck bémuënd sych de Loudwig ound Otto bim Sigmound oum g’Gounscht,
Lache cheund t’Daame vom Stift – t’Schweuschtere souëched es Houhs.
Z’Basel de Sixtus ous àigener Gnaad Kardinaal ruëfft’s Konzyl ouhs
Gàge de Sixtus de viërt – ihnn tupft vom Otto de Blitz.11
Am 24.Séptàmber 1482 ruëfft de Spàckàsser syni Naachrichte–n ouhs vor eme Houhffe Gaffer, wo bi dèm hèrrliche Hèrbschtwàtter ound dèm àndloose Bimbele vo–r Armsunderglogg waarted, bis dië zwéé Stadttroumpééter verouhs lawffed vor ere Grouppe Bégyne, em Scharffrichter mit syne Chnàchte, em Prédigermeunch Haltiner, wo de Ritter Richard im Armsunderhàmp zour Stadt ouhs ouf de Schyterhouhffe fuëred. Ounderdésse ryted dië Straassbourger Ggsandte–n ouf dië ander Syte zour Stadt ouhs, ewègg vom Raathouhsplatz, wo de Rychsvogt en Staab ouf em Pouggel vom Richard vo Hooëbourg verbroche hàt nach de Verchundig vom Ourtàil: „Tood dour Verbrànig wàge widerholter widernatuurlicher Versundigoung, Àidbrouch nach Ouhrfééd, Mord, Bétrouhg ound Ourkoundeféltschig“, ound de Délinquànt na wuëtig em Oberschtzowfftmàischter zouëruëfft: I dréi Tààg Hans Waldme, i dréi Tààg chlaag ych dych aa vor em himmlische Ggricht als Schouldige–n a mym oungéràchte Tood !“
Halb Zuri wott sych verggwussere, das mit em Kèurper vom Verourtàilte–n aw syni beuhse maagische Chréft vo de Homoséxoualitèèt i de Flame vernichtet wèrded, dië maagische Chréft, wo souscht Frouchpbaarkàit, Wachstoum ound Gédéje bédrootid, aber aw, das p’Vollstréckig vom Ourtàil dië Chriëgsggfaar ous de Wàlt schaffi, wo schiër t’Àiggénosseschaft hétt wéle spalte.
Im Geuldlitourm am Égge Groossbrounngass Meuïschtergass lawfft de Burgermàischter Hàiri Geuldli nidergschlage–n i sym Arbetsrouhm ouhf ound ap. Er cha’s chouhm fasse: „Ych bi–n ous ale Woulche gghéit“ tànkt er, „wo de Rychsvogt mych mit em Pschàid uberfallt, ’s Tribounaal vo de dréi Oberschtzowfftmàischtere séig am 21. Séptàmber offizjéll bi–n ihmm mit de–r Aachlaag hinefure choo. Àigetli–ch isch es ja Amtsaamaassig vo déne Zowfftmàischtere, go Luut verhafte–n ound foltere. Àigetli hétt me muëse dië hèrenèè. Aber i dère Sitouazjon, wo t’Àiggénosse–n ouf euïsi Chriëgserchlèèrig a Straassbourg hy en Ràchtstaag z’Àisidle–n ybéruëffed ound euïs mittàiled, dië schwèèrwiëgende Voorwurff gàg de Ritter Richard stimid ali, Zuri séig im Ouràcht, daa hà mer muëse chly bygèè. Hinedry isch klaar: myr, myn Ounggle Laazarouss ound ych, myr hétted séle dië Verhaftig voornèè, aber dèè Waldme–n isch is z’voorchoo. Wèr verhaftet scho gèrn en Frund, en Adlige, ound schliëssli ha–n ych na anderi Sorge. Dèè Prozàss mit de Stadt Konschtanz wàg em Landggricht im Touhrgaw isch na hàngig, will Luzèrn sych gàg de ggsamtàiggéneussisch Kompromiss spéért, i Konschtanz sàlber wànd zwéé de Bischofsitz, Basel staat ounder Interdikzjon, ales isch e dèèwààg kompliziërt. Dèè Stryt giëng Zuri zwaar tiràkt nuut aa, aber me wott wéder de–r Euhschtrychisch Hèrzoog na de Paapscht verteuïbe. Schliëssli ggwèèrt euïs de Sixtous IV dèè wichtigé Ablass als màchtigi Stutze fur de Wallfaartstourismouss, ound dèè bringt wider Probléém wàg em Houliganismouss. Dèè Ablass hàt ouhsggràchnet myn Rivaal, de Hans Waldme, vo Room hàipbraacht gghaa ound sych demit grooss béliëbt ggmacht. Aber waroum ha–n ych mych lo verlàite, Straassbourg dèè Absaagébriëf schicke ? Waroum aw ha–n i doo neud ggmèrkt, das euppis fouhl isch mit dèm Ritter Richard ? Natuurli, dië Réakzjon vo Straassbourg isch ounertrèègli ggsy, ound das dië Straassbourger Ggsandte–n euïs ouf de Taagsatzig sind go schlàcht mache–n éérscht ràcht. Natuurli, de Hans Waldme–n isch ja sofort paraat gsy, go–n en Fréischaarezouhg ouf p’Bài stéle. Daa ha–n i myr doch neud namaal de Voorwourff vo Fyghàit cheune làischte, wië vor Mourte. Waroum uberhawpt ha–n ych vo Straassbourg en Prozàss ounder neuïtraalem Schydsggricht verlangt ghaa ound fréis Gglàit fur de Ritter Richard? Waroum hàt mi doo neud wénigschtes t’Haltig vo Bèrn, Louzèrn ound Ouri misstrowisch ggmacht ? Natuurli, euïsi Forderige entspràched em ganz normaale Ràchtswààg, ound soo–n e scharffi Réakzjon vo Straassbourg hàt doo niëmert erwaartet. Ound ych ha ja souscht vill oum t’Oore gghaa. Wàg em Konflikt mit de Lànderoort oum daas Bourgràcht isch de Hàiri Reuïscht stàndig a Taagsatzige ggràist, ales isch a myr gghanget, ound dèè Richard isch ja séér béliëbt ggsy, aw de Waldme hàt doo stàndig oum en oume scharwànzlet. Dèè hétt mych scheuhn bleuhd anegstéllt, wànn ych eme Zuri Burger hétt wéle de normaalschté Schoutz verwéére. Dië guëterràchtli–ch Ousenandersétzig mit syner Éhéfraw hàt ja doo sys gouëte Ràcht ggschoune. Aber waroum ha–n ych en uberhawpt is Burgerràcht lo ouhfnèè ? Waroum ha–n i doo neud i Ouri, Bèrn, Louzèrn naaggfrèuhget, waroum sië en déét neud héiged wéle ? Waroum bi–n i–ch aw ouf syni ggfélschte Briëfe vo Kàiser ound Bischoff inegghéit ? Oo jéé ! waroum ha–n i mi blànde laa vo syner nooble Hèèrkoumft ous dère heuhch aaggsééne Élsèèsser Familje Pouller, waroum ha mi doo ggfreuït ouf e valydi Verstèrchig vo de Konstaffel ?“ Soo èènli marteret de Hàiri Geuldli sys Hirni ound louëget machtloos zouë, wië syn Rouëff Schade nimmt.