Fallgrouëb!!!
Es Gsprèuhch vom Hàini Habicht, Reubi Raab, Xaver Pèrthé ound Chàschpi Cheuïzli. Aa jaa, ound na de Schangli Schildchrott.
Hàini Habicht: Jétz isch t'Àinigoung wàg em Amèrikaanische Budsché z'Stand choo. Daas hàt me ja vo Aafang aa ggwusst, das dië Répoublikaaner neud wurkli t' U.S.A. ound dië ganz Wàlt demit wànd z'Ground richte.
'''Reubi Raab:“' Soo klaar isch daas neud gsy. Vo Àinigoung cha me ja neud réde, heuggschtes vo me Kompromiss, ound aw dèè blos fur Meunet. Im Fébrouar wirt tànk wider oum t'Zaligsfèèigkàit gschtritte.
Xaver Pèrthé: Am 14. Fébrouar wirt en Entschàid uber t'Schouldenobergrànze félig.
H.H.: Soo oder soo, t'Répoublikaaner hànd en Schouë voll ousezoge mit irem sinnloose Kampf gàg daas health care Gsétz. ! Aber i de–n Oumfraage schnyded s' miserabel ap.
R.R.: Souscht hétted dië nië naaggèè. Daas Ggsoundhàitsgsétz wirt allwààg fur vili Arbetgéber e Kataschtrooffe, wànn dië iri Béléégschaft muënd obligatoorisch versichere !
X.P.: Ooni Zwyfel bringt daas neuje Ggsétz e tuufgryffendi Oumstélig i–r Amèrikaanische Ggsoundàitsversorgig. Soo euppis isch im Aafang imer tuur.
H.H.: Aber in Euïropa hànd doch praktisch ali Lànder Chrankekasse ? Èumel t'Schwyz isch wàge dèm neud verloumpet.
X.P.: Taatsàchli tèurff me demit ràchne, das es ouf lèngeri Sicht aw cheunnti erhéblichi Yspaarige bringe. Wànn nàmli Luut ous de–n èrmere Schichte sych trowed, scho im Aafang vo–n ire Béschwèrde zoum Tokter gaa ound neud éérscht, wànn g'Chranket dèèwààg fourtgschritte–n isch, das p'Béhandlig vill tuurer wirt ound e Chranket chroonisch worde–n isch oder ounhàilbaar, so cheund muglicherwys erhéblichi ounneuhtigi Cheuschte gspaart wèrde.
R.R.: Z'Amèrika wànd t'Luut kàn Woolfaartstaat, éérscht ràcht neud, wo t'Staatsfinanze ggwaggled. Daa chounnt's halt zoum Kampf gàge dèè Oumbow vom Ggsoundhàitssischtéém.
H.H.: Aber doch neud de Staat laamlégge–n ound éérscht na mit verhéérende Konséquànze wàltwyt.
X.P.: Taatsàchli–ch isch de Schade énorm. Louht Standard and Poors choscht de shutdown dië Amèrikaanisch Wirtschaft 24 Miljarde $. Ooni Zwyfel trowt p'Finanzwàlt de–r U.S.–Wirtschaft jétz tuutli wéniger zouë.
R.R.: Eupper profitiërt imer, wànn 's andere schlàcht gaat.
X.P.: Me tèurff aw neud vergàsse, das daas Ggsoundhàitsgsétz dour ali Dischtanze doure–n isch. T'Haltig vo de Tea–Party–Répoublikaaner isch taatsàchli schwèèr z'verstaa.
R.R.: Jétz réded s' aw nume vom Ggsoundhéitsgétz, sondern vo de Staats–Schoulde.
Chàschpi Cheuïzli: Vom àigelitche Ground rédt niëmer.
H.H.: Waas màinsch ?
Ch.Ch.: Dèèwààg versàsse ouf es Spyl mit de Kataschtrooffe macht kàne mit chalter Vernoumft. Dië hànd doch wéle béwyse, das en farbige Prèsidànt zour Katastrooffe fuëri.
H.H.: Màinsch wurkli ?
R.R.: Daas hani jétz na nië ggheuhrt.
Ch.Ch.: I daas Wàschpinàscht sticht halt niëmer gèèrn. Ubrigens, t'Scharfmacher vo de Tea Party réded vo me Syg.
Schangli Schildchrott: Political correctness isch àifach en Ouhfforderig zou Huucheléi. …
X.P.: Waas hani jétz wéle sàge; aa jaa: T'Répoublikaaner hànd ires Aasèè ouf 's Spyl gsétzt ound vill verloore. De–r Obama hànd 's taatsàchli–ch aw ggwaltig ggschwècht. Bi dènige Problééme wië t'Immigrazjon uber México wirt em kàn Gàgner méé entgàgechoo. Ych halte 's fur mugli, das bi vile Sumpatisante vo de Tea Party en ggwusse Rassismous mindischtens ounbéwousst e Role spillt.
Ch.Ch.: Na euppis. Bis zou de nèuhchschte Waale vergisst me t'Détài, ound de Maa vo de Straass wàiss nou na: „dië Tea Party, dië mached wénigschtes euppis.“