Ggschyder ?
Es Gschprèuhch vom Chàschpi Cheuïzli mit em Reubi Raab.
Reubi Raab: Jétz hànd's dèè Hèr Sarasyn glych neud zour ÈssPééDéé ouse gghéit.
Chàschpi Cheuïzli: Schynts tànked ébe vill vo de Partéibaasis glych toumm wië dèè.
R.R.: Waas hàisst daa toumm ?
Ch.Ch.: Hà jaa, oder màinsch dànn aw, dië Mouslym séiged tumeri Luut als myr im Wéschte ?
R.R.: Also, ych wàiss neud, èumel waas hànd dië scho entdéckt, erforscht ound erfounde, im Verglych mit Euïs ?
Ch.Ch.: Tèchnisch isch de Wéschte sit de–r Ouhfklèèrig em Oschte–n uberlàge, èumel lang gsy. Aber im Mittelalter, wo–n Euïroopaa màngs ous de–r Antyké vergàsse–n oder vertuuflet hàt, daa hànd s' i de Mohamédaanische Lànder màngs béwaart; ound i ggwusse–n Arabische Lànder holed 's hut ggwaltig ouhf.
R.R.: Sàg ràcht.
Ch.Ch.: So vill nou fur t'Tèchnik. Aber es git en Houhffe ggschydi Luut, wo nië nuut erforscht ound erfounde hànd. Ych find uberhawpt so–n en Wéttbéwèrb i Gschdy bleuhd. Ouf de tèchnisch Stand elài chounnts doch neud aa.
R.R.: Ouf waas dànn ?
Ch.Ch.: Dou chasch daas grad sàlber sàge, los mer nou zouë.
R.R.: Waas chounnt àcht jétz wider ?
Ch.Ch.: Magsch di psine, wo de Bappe Bousch Iraak fur de–r Uberfall ouf Kouwàit gstraafft hàt ? Dèè hàt doch syn Chriëg mit no casualties ggfuërt.
R.R.: Ooni àigeni Verlouscht. Daas isch èumel neud bleuhd.
Ch.Ch.: Daas isch de Béwys fur tèchnischi Uberlàgehàit.
R.R.: Euppe scho.
Ch.Ch.: Ound fur dië Arabisch Wàlt e Déémuëtigoung. Psounders fur t'Sawdi, wo hànd muëse dië Amèrikaanische Soldaate–n im Land haa, wil s' sàlber neud starch ggnouëg sind.
R.R.: Dië hànd ne ja ggruëfft gghaa.
Ch.Ch.: Ébe jaa. Ound hànd muëse zouëlouëge, wië sych dië G.I.ouhffuëred, dië hànd ja ales tdèurffe, was Allaah verbotte hàt.
R.R.: Waas wottsch demit sàge ?
Ch.Ch.: Jétz chounnt de zwàit Akt. Es paar Sawdi, béwaffnet àinzig mit Màsser, mit irem Wusse, Wusse uber Fluuger, uber dië Zwilingsturm, dië richtet en Schade–n aa fur praktisch ali indouschtrjalisiërte Lànder, fur de Wéschte. Dië kuëne Mane opferet sych sàlber, souscht tupft 's àinzig de Wéschte.
R.R.: Dou màinsch Nine eleven.
Ch.Ch.: Prèzys ! Ound waas macht de Soon vom Bappe ? de George W. ? Er ziët in Chriëg gàg de Sadam Housséin.
R.R.: Jàà ound jétz ?"
Ch.Ch.: Ound jétz tuënd s' ànet em groosse Tàich bleuhd, statt das s' wuured zàmefinde zoum e Zaligsounfèèïkàit vom Staat verhindere, e Zaligsounfèèigkàit wo–n entstande–n isch, will p'Bànkler de Hupotékaarmèèrt vertoumet hànd. Si myr Wéschtler wurkli so gschyd, wië mer imer màined ?
R.R.: Ahaa, dèèwààg.