Poutschology
Es Gsprèuhch vom Hàidi Habicht, em Schangli Schildchrott, em Reubi Raab ound em Xaver Pèrthé.
Hàidi Habicht: Mych nimmts wounder, wië lang dië Turggéi na i de Nato blybt.
Reubi Raab: Waas màinsch aw, dië Nato isch doch ouf t'Turggéi aaggwise.
H.H.: Aber louëg, wië dië gàg g'Kourde loosgeund ounder em Voorwand, si hàlffid gàg daas Kalifaat. Ound wië dèè Èrdogan wuëtet sit dèm verggraatene Militèèrpoutsch.
Xaver Pèrthé: Mit Boschporouss ound Dardanéle hàt de–r Èrdogan scho na es Pfand i de Fouhscht. Daas isch en màchtige stratéégische Troumpf. Daas wussed s' i de–n U.S.A. schoo.
Schangli Schildchrott: Ali réded blos vom “verggraatene Militèèrpoutsch“, niëmer schynt sych méé z'psine–n ouf de ReuhmPoutsch.
X.P.: Àch de ReuhmPoutsch. Doo hàt de Hitler zwoo Milize gghaa, dië SS ound dië SA. Syni SS hétzt er ouf syni SA ound phawptet, dèè Reuhm, also de–r Oberjéhou vo de SA, dèè héigi pboutscht. Èr, de Hitler héb muëse fur Oornig louëge, aaber deby hàt èr syni apsolouti Macht ggféschtiget ound es Willkurréschim ouhfzoge.
R.R.: Waas rédsch dànn Dou jétz, Schangli, vo me ReuhmPoutsch ?
S.S.: Wànn Yr de Verlawff vom verggraatne Poutsch ound dèè vom ReuhmPoutsch nàbenand hébed, so gsénd bééd schiër ouhs wië Zwiling.
R.R.: Daas nèèm mi jétz aber wounder.
S.S.: Feu mer aa mit de–r Ouhsgangslaag. 1.Tuutschland isch nach em verloornige–n éérschte Wàltchriëg mit Réparazjonszalige gstraafft worde, i Huperinflazjon gghéit ound lydet droufabe schwèèr vo de Wàltwirtschaftskryse. Zouësàtzli hàt de–r Adel syni Posizjoone im militèèrisch–indouschtriéle Komplàx cheune hébe. De Hitler wirt zoum Aafuërer vo de Nazjonalsozjalistische Tuutsche–n Arbàiterpartéi, èèr profitiërt vo de Dolchstoossthéory, schuurt mit Schlègertroupp Wouët ound Ousicherhàit ound fèurderet bi de–n Olympische Spyl de–r Aariërwaan. I dère–n allgémàine Ourouë macht de Hindenburg de Hitler mit Byfall vo de Chile zoum Kanzler. 2. T'Turggéi hàt Problém wàg de Kourde ound lydet ounder de kémalistische Sonderstélig vom militèèrisch–indouschriéle Komplàx. Aw t'Turggéi isch vo de Wàltwirtschaftskryse bétroffe. Me hofft ouf wirtschaftliche–n Ouhfschwoung dank Aabindig a t'EU, wo sàlber schwèchelet. Sit Jaar ound Taag hàt t'Turggéi déét es Bytrittsgsouëch offe, wirt aber mit neuje Bédingige–n imer wider vertreuhschtet. Daa wirt de–r Èrdogan Aafuërer vo de Partéi fur Ggràchtigkàit ound Ouhfschwoung AKP ound droufabe als ggmèuhssigte Mouslim ggwèèlt, zwaar mit wéschtlichem Byfall, aber ooni dië erhoffti Konséquànz. Droufabe provoziërt er mit Bawmféllakzjoone–n im Gétzi–Park ound ziët na Profit vor de Waale dour syni uberstràng Réakzjon.
H.H.: Dië Ouhsgangslaag mag ja ggwussi Paralééle haa, Schangli, dèrig chasch aw in andere Lànder finde, daas béduutet doch nuut !
S.S.: Dou gséésch vilicht dèè oungghuur Wile zour Macht, bééd strààbed 's glych Zyl aa, dië apsolout Hèrrschaft.
R.R.:Wië chounnsch ouf daas ?
S.S.: Fur p'Macht geund bééd glych voor. Si erchlèèred en Tàil vo de Béveulkerig zou Burger zwàiter Klass ound zou Volchsfinde – dèè t'Joude, dise g'Kourde – bééd erchlèèred 's àige Volch zou Hèremàntsche, bééd ounderdroucked aktyv en anderi Màinig ound kàne douldet en Rivaal ir àigne Partéi.
X.P.: Dou chounnsch jétz offesichtli ouf de Reuhm. Dèè isch aber mit synere lingge–n Ouhsrichtig e Bélaschtig worde fur de Hitler, dèè brouhcht nàmli de militèèrisch–indouschtriélé Komplàx fur syni gghàimi Chriëgsvoorbéràitig ound stéllt sych droum als Schoutz vor em Komounismous daar.
S.S.: De Paraléélfall i de Turggéi isch de–r Imam Fethullah Gulen.
R.R.: Daas uberrascht mi jétz doch. Dèè Gulen isch doch syn Gàgner, dèè wo–n em Erdogan syni koroupte Télifon ouhspbraacht hàt.
S.S.: Hàsch ràcht. Aber vo Èrdogan wië Gulen sind Ouhssaage mit èènlicher Zylrichtig békannt, nàmli, me muësi syni Uberzuugig als Mouslim gghàim phalte–n ound sych vornedoure fur en wusseschaftli–tèchnische Fortschritt ysétze, aber di àigetliche Kasèrne séiged p'Moschéë ound wo sych Koran ound Wusseschaft widerspràchid héb imer de–r Islam ràcht. Wàge dèrige èènliche–n Ouhssaage hàisst's dèè Gulen séig als wàret langer Zyt em Erdogan syn wichtige Verbundete, grad dank Ounderstutzig vom Gulen séig de–r Èrdogan zoum Aafuërer vo de–r AKP worde.
H.H: Isch dànn daas sicher ?
S.S.: Sicher … sind bééd zwéé oundourchsichtigi Mane. Was mych aber ouf de Verglych vom Gulen mit em Reuhm pbraacht hàt, isch, wië 's choo isch zou dèm Poutsch vom 15.|16. Jouli, ound wië 's ousechoo isch. De militèèrisch–indouschtriéll Komplàx isch vom Èrdogan ja béràits wytgééënd entmachtet gsy, jétz gits glych wider en Aanèuhcherig. Ounbéstritte–n isch schliëssli, das de–r Èrdogan béràits vorhèèr e ryse Lyschte vo Verdèuhchtige psitzt, ound nach em Poutsch wèrded sofort z'toouhsige ébe dië Luut verhaftet, ounder anderem 2500 Richter ound Staatsaawàlt. Wàret de Poutschnacht cha sych de–r Erdogan zwàimaal profiliëre ound am Morge staat èr als de groossi Rétter vom Vatterland daa – prèzys wië de Hitler, nachdèm èr doch sàlber de Reuhmpoutsch inszéniërt gghaa hàt. En ryse Schritt zour apsoloute Hèrrschaft.
H.H.: Màinsch Dou dànn, Schangli, de–r Erdogan héig sàlber dèè Poutsch voortuuscht ?
S.S.: Nài. Daas sàg i neud. Ych frèuhge nou: „wèm nutzt's“
R.R.: … ound dànn entdécksch Paralééle.