Stuurchriëg
Es Gsprèuhch vom Schangli Schildchrott mit em Èrnscht Skrotas
Èrnscht Skrotas Schangli, waas machsch aw fur en Làtsch ?
Schangli Schildchrott Jàà, 's isch mer neud droum
E.S. Jà wàg waas dànn ?
Sch. Jétz hacket s' wider ouf euïser Schwyz oume. – Wàg de Stuurpawschaale
E.S. Daas mached s' ja scho lang. Gits euppis Neuïs ?
Sch. Jaa ébe. I Griëcheland isch de–r Euïropèèisch CocaCoola–Flàschefull–Konzèrn nach Zouhg zoge, will g'Griëche t'Stuure–n ouëtaa hànd.
E.S. Wiso hànd dànn g'Griëche méé Stuure ggheuïschet ?
Sch. will 's ja dië Schouldekryse hànd. Si muënd ébe spaare.
E.S. Dou sàisch, Griëcheland mouë spaare. Wànn i richtig verstaa muënd s' iri énorme Schoulde zale.
Sch. Ébe jaa.
E.S. Hànd s' dànn Gàlt ?
Sch. ébe neuhd
E.S. Waas cheunntsch Dou mache, Schangli, wànn t'muësstisch Schoulde zale ound kà Gàlt héttsch.
Sch. I muësst louëge, zou Gàlt choo oder spaare … oder bàides.
E.S. Zou Gàlt choo, also ouf p'Bank go en Krédit ouhfnèè ?
Sch. jaa, … daas hàisst nài. Souscht hani nachane nou na méé Schoulde. I muësst éntwéder euppis verchawffe oder méé schaffe.
E.S. Ych wusst à nuut béssers. Jétz gheuhr i aber, das i Griëcheland 25% arbetsloos sind, vo de Jounge Luut sogar uber 70%. Dou sàisch, das g'Griëche vo de CocaCoola méé Stuure ggheuïsche héiged. Hànd dànn g'Griëche jétz méé oder wéniger Gàlt ?
Sch. wéniger
E.S. ound éérscht na méé Arbetsloosi. Wiso mached s' aw soo euppis ?
Sch. Si muënd. Vo de–r „EU“ ouhs, fur das dië de Griëche méé Gàlt vertlééned.
E.S. Daas isch ja, wië wànn me Schoulde–n ouf Schoulde byget. Hàsch neud ggsàit, Dou miëchsch daas neuhd ?
Sch. sicher neud. Vor dèm wirt ja imer ggwarnt.
E.S. Hétted dànn g'Griëche neud mit de CocaCola es Pawschaalarangschemànt verybaare séle ?
Sch. Daas tèurffed s' halt neuhd. Si hànd ébe fruëner es Schlamassel gghaa mit de Stuure, ounder anderem vo de ryche Griëche.
E.S. Waas mached dànn dië jétz ?
Sch. Dië geund is Oussland, i t' U.S.A:, t'Schwyz oder nach Louxebourg oder souscht neuïme hy.
E.S. Wiso verlangt dànn t'“EU“, Griëcheland muësi t'Stuure oufetouë, wànn daas nou Gàlt ound Arbetsplàtz choscht ?
Sch. Wàg de Solidaritèèt mit den andere „EU“-Staate.
E.S. Ound wàge dèm kritisiëred s' jétz t'Schwyz ?
Sch. Jaa, ébe
E.S. Ych verstaa àinewààg nuut vo Finanze, ound myr hànd ja daa nuut z'béféle, aber 's intràssjert mi glych, was Dou findsch, Schangli, wèèr's évàntouéll gschyder, dië Maassgàbende vo de–n „EU“ wuured vo de Schwyz léére, statt si kritisiëre ?
Sch. aha, jaa, waarschynli doch.