Wèm nutzts
Es Gsprèuhch vom Reubi Raab mit em Chàschpi Cheuïzli:
Reubi Raab: Dou Chàschpi, dèè Tuutsch Politiker pphawptet, dië Schwyzer Banke séiged kriminéll. Tèuhrff dèè daas ? Soo euppis isch doch Verluumdig, zmindtscht ubli Naachrèèd.
Chàschpi Cheuïzli: Z'Transrénaanje réded s' na gèèrn e dèèwààg.
R.R.: Aber das dië Banke sych neud wééred, soo àine muëssted s' doch ychlage ?
Ch.Ch.: En Politiker cha sàge was er wott, dèè hàt ja t'Imounitèèt. Ound i t'Schwyz wirt de sààb chouhm wéle choo.
R.R.: Mych macht daas wuëtig. P'Banke hànd ja ggsàit, das si kà Schwaarzégàlt aanàmed, èumel kà neuïs, ound Pfrà Boundesprèsidànti sàit aw, es séigid kà Tuutschi Vermeuge–n is Oussland verschobe worde, me héig daas kontroliërt.
Ch.Ch.: Zéérscht hànd dië z'Baade–Wurttebèrg vo Hywys ggrédt, ouf daas abe héisst's jétz scho, Béwys.
R.R.: Ébe, ound si gànd kài Ouskoumft waas ound wië.
Ch.Ch.: Debi réded s' ja stàndig oum de Bréi.
R.R.: Ound daas blos wàg Partéipropaganda ? si wànd sych als ràini Kàmpfer profiliëre. Will s' oum iri Sitz zittered, wànd s' dèè Abgàltigs–Vertraag oumtouë. Nou wàge dèm tuënd s' wië t'Sow am Spiëss ?
Ch.Ch.: Vilicht neud nou wàg dèm.
R.R.: Gspàssig isch es scho.
Ch.Ch.: Hàsch der emaal uberlàit, wèm dië Abgàltigsstuur schadt ?
R.R.: Déne Tuutsche, wo Gàlt hinder em Schwyzer Bankgghàimnis verbèrged.
Ch.Ch.: Ébe.
R.R.: Jàà, dou màinsch…
Ch.Ch.: Wànn dèè Vertraag i Chrafft tritt, daa chounnt's évàntwéll na zou mànger Uberraschig.
R.R.: Dou màinsch, dië tèuged e soo, wië de Diëb wo héépet: „hébed de Diëb !?“
Ch.Ch.: Ych wàiss gaar nuut, ousser–t das z'Transrénaanje schwaarzi Partéikàsseli verbotte sind.
R.R.: How, daas gèèb aber en Skandaal, wànn soo euppis ouhs–chèèm !
Xaver Pèrtés: Salu mitenand. Ych ha grad na chli ouhfgschnappt, was yr daa verzéled ound meucht na euppis ergànze.
Ch.Ch.: Allwààg bisch neud yverstande.
X.P.: Èumel neud ganz. Es git nàmli–ch aw Schwyzer, wo–n en Voorbéhalt hànd gàg t'Ràchtschaffehàit vo ggwusse Schwyzer Banke.
R.R.: Jàà, wàisch dou méé ?
X.P.: Also, en heuhche Finanzspézjalischt hàt zimli tuutli Zwyfel ggusseret, ound myr hàt en Jourischt es Muschterli verzéllt.
Ch.Ch.: Sàg, verzéll !
X.P.: Daa isch en Treuïhànder wàret Jaare aastandsloos Chound bi–n ere pstimte Bank. Dèè hàt schiër houndert Konti dééte. Ébe dèè Treuïhànder mouës im Raame vo–n ere–n Akzjon fur jédes Konto en Fraagéboge–n ouhsfule. Deby passt er àis Maal neud gouët ouhf ound macht es Chruuzli am làtze–n Oort. Ouf daas hy chundt em p'Bank sàmtlichi Konti.
Ch.Ch.: Ali houndert ound oungraad ?
X.P.: Ouf àin Chlapf. Pickelhèrt.
R.R.: Dèè cha doch neud sofort Ersatz finde, dèèwààg wirt àine doch rouïniërt.
X.P.: Èumel hàt er si muëse ganz énèrgisch wéére.
R.R.: Daas tounkt mi scho neud aastàndig, soo–n es Voorgaa vo–n ere Bank.
Ch.Ch.: Waas sàged 's dànn ouf de Bank dezouë ?
X.P.: Schynts hàt's gghàisse, si muësid sych a p'Voorschrifte halte. Aber ych verzéle daas nou, das er neud àisytig ouf t'Ousslànder schimpfed, wo Schwyzer Banke kritisiëred.