Wortwaarte
Waart mit em Wort, waart mit em Wort,
Waart bis ’s Wort wirt,
Wyrt mit em Wort, wyrt mit em Wort,
Laa’s neud z’fruë fourt.
Waart bis ’s Wort wirt, waart bis ’s Wort wirt,
Waart bis ’s Wort stimmt.
Fourt mit em Wort, fourt mit em Wort,
Vor ’s Wort verfouhlt.
Frusch mit em Wort, frusch mit em Wort,
Mach das ’s Wort wurkt.
Wurk mit em Wort, wurk mit em Wort,
Wirff’s Wort i t’Wàlt.
Kàis Wort chounnt zrougg, kàis Wort chounnt zrougg,
zrouggnèè gilt nuut.
Wàisch, wië ’s Wort wurkt ? wàisch wië ’s Wort wurkt ?
Wàisch wië ’s Wort wachst ?
’S Wort hàt e Ggwalt, ’s Wort hàt e Ggwalt,
schlaat ouf di zrougg.
Waart en Momànt, waart en Momànt,
Louëg was de machsch.
Tànk was ’s drouhs wirt, tànk was drouhs wirt,
Dànn wirff’s i t’Wàlt.
Gschèèch dànn was wéll, gschèèch dànn was wéll,
Isch der ’s nou–r èrnscht mit dim Wort.