Zrouggtràtte
Es Gsprèuhch vom Hàini Habicht, Reubi Raab, Xaver Pèrté ound Schangli Schildchrott:
Hàini Habicht: Also, das de Paapscht Bénédikt zrouggtràtte–n isch vo sym heuhche–n Amt, daas isch scho àimaalig, daas isch neuï fur g'Chile, daa demit béwyst er scho Mouët !
Xaver Pèrté: Das en Paapscht aptankt, chounnt taatsàchli sàlte voor, aber es chounnt voor. Vor knapp feuïfehalb Jaarhounderte, 1449, hàt zoum Byspyl de Paapscht Félix V aptankt ound soo daas zwàite Schisma béàndet.
H.H.: Daas isch myr aber neuï !
X.P.: Es gaat oum g'Chilespaltig. Grob ggsàit hébet de réformwilig, màischt nideré Klérous zoum Gàgepaapscht vom Kàiser Sigismound. Daas éérschte Schisma nimmt 1417 mit de Waal vom Otto Colonna zoum Paapscht Maartyn V es Ànd, will all andere Pèuhpscht apgsétzt wèrded. 1431, im glyche Jaar, wo t'Jeanne d'Arc verbrànnt wirt, ereuffned dië Reformwilige gàg de Wile vom daamaalige Paapscht Euïgéén IV es Konzyl i Basel. 1438 ziët aber de Paapscht Euïgéén IV zàme mit em Kàiser an es Gàgekonzyl nach Ferrara. Dië wo–n e Chileréform ounderstutzed, blybed i Basel ound wèèled de Amédée de Savoie zoum Paapscht Félix V, ound dèè dankt zàà Jaar spèuhter zou Gounschte vom Nicolò V ap.
'''Reubi Raab:“ Ych han aber euppis ouhfgschnappt, dèè héi Zeuléschtyn gghàisse ?
X.P.: Daas isch scho lènger hèèr. De Paapscht Zeuléschtyn V hàt vor 720 Jaare–n aptankt, am 13.Dézàmber 1294. Èr séig chrank, ounerfaare i Verwaltigsaagglàgehàite ound meucht wider als Àisidler làbe. Èr isch doo blos knapp feuïf Meunet im Amt gsy.
H.H.: Yr cheund sàge, was er wànd, das de Paapscht Bénédikt aptankt, isch àinewààg ganz ousseroordetli, e Sànsazjon ! P'Méédje sind voll devoo.
R.R.: Daas hàisst doch nuut. Dië sturzed sych ja ouf jéde Pyps vo dèm Paapscht.
X.P.: Èr gilt imerhy als àine vo de zàà màchtigschte Màntsche vo de–r Èrde.
R.R.: Tànk will er tèurff i jéedes Éhébétt ineréde, ound wàg de Vatikaanbank.
H.H.: Los Reubi, Dou bisch ja uberhawpt gàg jéde Paapscht. Aber Schangli, was màinsch dànn Dou, ? Dou hàsch ja na gaar nuut ggsàit !
Schangli Schildchrott: jaa, … jà … was séll i sàge ?
H.H.: Waas findtsch dou zou dère–n Uberraschig ? Zoum sànsazjonéle Rucktritt vom Paapscht Bénédikt em sàchzààte ?
R.R.: Also, mych intràssjert am Hèr Ratzinger blos syni stouhri Haltig; gàg e vernumftigi HIV–Profulaxe ound im Missbrouchskandaal.
S.S.: aber, p'Folg …
H.H.: Also Reubi, dou tèurffsch a de Chile neud imer nou 's Négatyv gséé !
S.S.: aber, p'Folg …
R.R.: Me wànd dànn louëge, eub syn Naachfolger e vernumftigeri Haltig ynimmt.
S.S.: aber, p'Folg …
X.P.: Mortuis nil nisi bene. Aber wànn en Paapscht làpzytig zrouggtritt, mouë–n er i Chawff nèè, das me–n kritisiërt. Defuur cha–n er sych dànn aw sàlber wéére.
S.S.: aber p'Folg vom sànsazjonsgiggerige Rucktritt vo dèm Séxoual–Schrybtisch–Straafftèuhter isch daas béapsichtigte wàltwyte Ggschnàder i de Méédje oum de diktatoorisch Sééligmacher–Monopolischt.
H.H.: Also Schangli, soo euppis hétt i vo Dyr scho neud erwaartet ! Soo tèurffsch doch neud réde.