Résoultat:
E Komferànz mit em Xaver Pèrthé, Reubi Raab, Hàini Habicht, Èrnscht Skrotas ound em Chàschpi Cheuïzli.
Xaver Pèrthé Mer sind go stime, ound 53% hànd "JA" gstoume fur das im Chindergaarte t'Ounderrichtsspraach groundsàtzli Hoochalémanisch séig. Also daas gilt.
H.H.: Ych freuï mi fur euïsi Màitli ound Bouëbe, wo–n i g'Gvàtterlischouël geund.
Reubi Raab P'Fraw Bildigstiràkteri laat alerdings verlouhte, si louëgi dànn scho, das me glych na Hoochtuutsch rédi in Chindergèèrte.
Chàschpi Cheuïzli: Dië hàisst à neud vergàbis "Keunigin" zoum Voorname.
Xaver Pèrthé: So ganz froo bi–n i–ch aber neuhd. Ych gheuhre nàmli–ch ouf Schritt ound Tritt es wuëschts Zurcherisch, en Mischmasch vole vo tuutsche Wàndige, Wèurter und Gramatik.
Èrnscht Skrotas: Isch es neud klaar, das jédi Spraach sych stàndig wandlet ?
Xaver Pèrthé: Daas sicher, aber das chouhm méé eupper wàiss, das myr 's Foutouhroum neud mit wèrde ouhstroucked sondern muënd oumschrybe, daas touët glych wéé (ound neud daas schmèrzt).
Chàschpi Cheuïzli: Ubrigens, e Partéigénossin vo de–r erwèènte Bildigstiràkteri, àini, wo dië Zwàidrittelsméérhàit fur dië erfaarene Politikerine verpasst hàt, sàit i de glyche Naachrichte: "Ich bin wuëtend" ound béwyst, das si i àim Wort scho cha–n en Mischmasch aastéle.
Xaver Pèrthé: P'Basler hànd ja aw apgstoume. Dië hànd 's bésser ggmacht ound dourepbraacht, das bééd Spraache, Nideralémannisch ound Hoochtuutsch, glych pflàgt wèrde muënd.
Hàini Habicht: Wànn i tànke, wië myni Groosséltere drouhf gglouëget hànd, das mer zurchered wië sych 's gheuhrt, ound mer uberlége, wèèr hut uberhawpt na wàiss, wië me rédt, dànn wirts mer ganz trummlig.
Reubi Raab: Myr muënd halt oum so méé drouhf louëge, das mer koràkt Zurituutsch réded.
Èrnscht Skrotas: Wussed myr dànn uberhawpt, waas hut es koràkts Zurituutsch isch ?
Hàini Habicht: Ych wàiss wénigschtes na, was en Huurepàiss isch, ych kàne na e Beulesouppe, es Qéleréttli ound es Ridicule, aw en Uërte, ound i sàge na "fryli" ound "tanke heufli".
Èrnscht Skrotas: Wië hàsch es mit cash burn, mit maile mit container ound mit win win ?
Xaver Pèrthé: Simer doch wénigschtens dankbar, das e béschàideni Méérhàit glych na wott, das wénigschtens i de Gvàtti tèurff ggrédt wèrde, wië me 's bi–n euïs halt ébe cha.